dosto ke kaam aana jurm hai
dosto ke kaam aanā jurm hai
ḳhud ko dariyā-dil banānā jurm hai
ashk-rezī kī ijāzat hai magar
ehtijājan muskurānā jurm hai
munharif tārīkiyoñ ke saaz par
koī raushan giit gaanā jurm hai
jab numā.ish kī chamak ho nā-guzīr
apnī raunaq bhuul jaanā jurm hai
sar jhukānā achchhī aadat hai magar
tañg aa kar sar uThānā jurm hai
pattharoñ ke baaġh meñ sājid-'asar'
kāñch ke paude lagānā jurm hai
dosto ke kaam aana jurm hai
KHud ko dariya-dil banana jurm hai
ashk-rezi ki ijazat hai magar
ehtijajan muskurana jurm hai
munharif tarikiyon ke saz par
koi raushan git gana jurm hai
jab numaish ki chamak ho na-guzir
apni raunaq bhul jaana jurm hai
sar jhukana achchhi aadat hai magar
tang aa kar sar uThana jurm hai
pattharon ke bagh mein sajid-'asar'
kanch ke paude lagana jurm hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
