doston ki mahfil ho reshmi ujala ho

dostoñ kī mahfil ho reshmī ujālā ho

sāmne kī bāteñ hoñ koī sunñe vaalā ho

koī mojazātī sā ek dil-rubā lamha

us ke hoñT khul jaa.eñ mere lab pe taalā ho

ḳhvāb saare takiye pe chain kī hoñ sote niiñd

'mīr' jī ke jaisā hī rog ham ne paalā ho

apne lab pe chhū chhū ke jaam laa.e gardish meñ

ye maza nashe vaalā aur bhī do-bālā ho

aaj bairī man chāhe kunj ek aisā ho

bāñsurī kī tāneñ hoñ aur ek baalā ho

'rāhī' be-vajah ranjish ḳhair ho bhī saktā hai

is gudāz lamhe ko tum ne bhī sañbhālā ho

doston ki mahfil ho reshmi ujala ho

samne ki baaten hon koi sunne wala ho

koi mojazati sa ek dil-ruba lamha

us ke honT khul jaen mere lab pe tala ho

KHwab sare takiye pe chain ki hon sote nind

'mir' ji ke jaisa hi rog hum ne pala ho

apne lab pe chhu chhu ke jam lae gardish mein

ye maza nashe wala aur bhi do-baala ho

aaj bairi man chahe kunj ek aisa ho

bansuri ki tanen hon aur ek baala ho

'rahi' be-wajah ranjish KHair ho bhi sakta hai

is gudaz lamhe ko tum ne bhi sanbhaala ho