doston se to kinara bhi nahin kar sakta
doston se to kinara bhi nahin kar sakta
Hidayatullah Khan Shamsi
MORE BYHidayatullah Khan Shamsi
dostoñ se to kinārā bhī nahīñ kar saktā
un kā har zulm gavārā bhī nahīñ kar saktā
merā dushman mire apnoñ meñ chhupā baiThā hai
us kī jānib maiñ ishārā bhī nahīñ kar saktā
shab meñ niklegā nahīñ us pe musallat hai nizām
din meñ sūraj kā nazārā bhī nahīñ kar saktā
aish-o-ishrat kā talabgār nahīñ huuñ phir bhī
tañg-dastī meñ guzārā bhī nahīñ kar saktā
shauq aisā ki machaltā hai mohabbat ke liye
jurm aisā ki dobārā bhī nahīñ kar saktā
ġham hai betāb ki āñkhoñ se nikal jaa.e magar
dil kī daulat kā ḳhasārā bhī nahīñ kar saktā
doston se to kinara bhi nahin kar sakta
un ka har zulm gawara bhi nahin kar sakta
mera dushman mere apnon mein chhupa baiTha hai
us ki jaanib main ishaara bhi nahin kar sakta
shab mein niklega nahin us pe musallat hai nizam
din mein suraj ka nazara bhi nahin kar sakta
aish-o-ishrat ka talabgar nahin hun phir bhi
tang-dasti mein guzara bhi nahin kar sakta
shauq aisa ki machalta hai mohabbat ke liye
jurm aisa ki dobara bhi nahin kar sakta
gham hai betab ki aankhon se nikal jae magar
dil ki daulat ka KHasara bhi nahin kar sakta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
