dua-e-dast-e-fazilat se sar ki raunaq hai

duā-e-dast-e-fazīlat se sar kī raunaq hai

hamāre ghar ke buzurgoñ se ghar kī raunaq hai

dar-o-dīvār se kilkāriyāñ nikaltī huiiñ

abhī bhī sahn meñ būḌhe shajar kī raunaq hai

harī-bharī hai ye chaukhaT kisī ke qadmoñ se

hamārī nīm-shabī bhī sahar kī raunaq hai

zamāna dekh chukā hai jalāl sūraj kā

ye shaam surma-e-nūr-e-nazar kī raunaq hai

vo apne lutf se miTTī meñ jaan Dāltā hai

ye chāk-e-husn-e-jahāñ kūza-gar kī raunaq hai

sukūt-e-shab bhī abhī tak murāqabe meñ hai

hamārī chhat kisī gard-e-safar kī raunaq hai

ye bistare key harārat ye Doltī zanjīr

kivāḌ tohfa-e-bāb-e-asar kī raunaq hai

dua-e-dast-e-fazilat se sar ki raunaq hai

hamare ghar ke buzurgon se ghar ki raunaq hai

dar-o-diwar se kilkariyan nikalti huin

abhi bhi sahn mein buDhe shajar ki raunaq hai

hari-bhari hai ye chaukhaT kisi ke qadmon se

hamari nim-shabi bhi sahar ki raunaq hai

zamana dekh chuka hai jalal suraj ka

ye sham surma-e-nur-e-nazar ki raunaq hai

wo apne lutf se miTTi mein jaan Dalta hai

ye chaak-e-husn-e-jahan kuza-gar ki raunaq hai

sukut-e-shab bhi abhi tak muraqabe mein hai

hamari chhat kisi gard-e-safar ki raunaq hai

ye bistare key hararat ye Dolti zanjir

kiwaD tohfa-e-bab-e-asar ki raunaq hai