dua ko hath mera jab kabhi uTha hoga

Abdul Hafiz Naeemi

dua ko hath mera jab kabhi uTha hoga

Abdul Hafiz Naeemi

MORE BYAbdul Hafiz Naeemi

    duā ko haath mirā jab kabhī uThā hogā

    qazā-o-qadr chehra utar gayā hogā

    jo apne hāthoñ luTe haiñ bas is pe zinda haiñ

    ḳhudā kuchh un ke liye bhī to sochtā hogā

    tirī galī meñ koī saa.e raat bhar ab bhī

    surāġh-e-jannat gum-gashta DhūñDtā hogā

    jo ġham aañch meñ pighlā kiyā aur aah na

    vo aadmī to nahīñ koī devtā hogā

    tumhāre sañg-e-taġhāful kyuuñ kareñ shikva

    is aa.ine muqaddar TūTnā hogā

    hai mere qatl shāhid vo āstīñ bhī magar

    maiñ kis naam luuñ sau baar sochnā hogā

    ye merī pyaas ke sāġhar tere laboñ sharāb

    ravāj-o-rasm-e-mohabbat mojaza hogā

    phir aarzū ke khañDar rañg-o-bū meñ Duub chale

    fareb-ḳhurda koī ḳhvāb dekhtā hogā

    sitāre bhī tirī yādoñ ke bujhte jaate haiñ

    ġham-e-hayāt sūraj nikal rahā hogā

    sadā kise deñ 'na.īmī' kise dikhā.eñ zaḳhm

    ab itnī raat ga.e kaun jāgtā hogā

    dua ko hath mera jab kabhi uTha hoga

    qaza-o-qadr ka chehra utar gaya hoga

    jo apne hathon luTe hain bas is pe zinda hain

    KHuda kuchh un ke liye bhi to sochta hoga

    teri gali mein koi sae raat bhar ab bhi

    suragh-e-jannat gum-gashta DhunDta hoga

    jo gham ki aanch mein pighla kiya aur aah na ki

    wo aadmi to nahin koi dewta hoga

    tumhaare sang-e-taghaful ka kyun karen shikwa

    is aaine ka muqaddar hi TuTna hoga

    hai mere qatl ki shahid wo aastin bhi magar

    main kis ka nam lun sau bar sochna hoga

    ye meri pyas ke saghar tere labon ki sharab

    rawaj-o-rasm-e-mohabbat ka mojaza hoga

    phir aarzu ke khanDar rang-o-bu mein Dub chale

    fareb-KHurda koi KHwab dekhta hoga

    sitare bhi teri yaadon ke bujhte jate hain

    gham-e-hayat ka suraj nikal raha hoga

    sada kise den 'naimi' kise dikhaen zaKHm

    ab itni raat gae kaun jagta hoga

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY