dubārā dil meñ koī inqalāb ho na sakā
tumhārī pahlī nazar ko javāb ho na sakā
kamāl-e-nūr zavāl-e-hijāb ho na sakā
vo be-naqāb kabhī be-naqāb ho na sakā
dil-e-tapīdā huā bazm-e-husn se vāpas
nazar Thahar na sakī intiḳhāb ho na sakā
ravish badal ga.ī tevar tere nahīñ badle
qayāmat aa.ī magar inqilāb ho na sakā
kahāñ dil aur kahāñ dil ke ā.īne kī adā
ġharaz savāl se behtar javāb ho na sakā
mere savāl pe us ne nazar jo kī nīchī
phir us kā mujh se javāb-ul-javāb ho na sakā
jalāl-e-rob hai 'nātiq' jamāl par us ke
vo be-naqāb kabhī be-naqāb ho na sakā
dubara dil mein koi inqalab ho na saka
tumhaari pahli nazar ko jawab ho na saka
kamal-e-nur zawal-e-hijab ho na saka
wo be-naqab kabhi be-naqab ho na saka
dil-e-tapida hua bazm-e-husn se wapas
nazar Thahar na saki intiKHab ho na saka
rawish badal gai tewar tere nahin badle
qayamat aai magar inqilab ho na saka
kahan dil aur kahan dil ke aaine ki ada
gharaz sawal se behtar jawab ho na saka
mere sawal pe us ne nazar jo ki nichi
phir us ka mujh se jawab-ul-jawab ho na saka
jalal-e-rob hai 'natiq' jamal par us ke
wo be-naqab kabhi be-naqab ho na saka
dubara dil mein koi inqalab ho na saka
Nomaan Shauque
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.