dukhon ki wadi mein har sham ka guzar aise
dukhoñ kī vaadī meñ har shaam kā guzar aise
tumhārī yaad kā phailā ho dhuñdlakā jaise
sitam-zarīf batā kis tarah manā.ūñ tujhe
ki juz tire maiñ guzārūñgī zindagī kaise
rutoñ meñ aayā nazar pyaar kā rachāo mujhe
tire vajūd ko ḳhud meñ samo liyā aise
bharī bahār jo guzrī to phir guzartī ga.ī
magar hameñ to ḳhabar hī na ho sakī jaise
mohabbatoñ ke jazīroñ ke ḳhvāb baaqī haiñ
vagarna din ke ujāle bhī raakh haiñ jaise
dukhon ki wadi mein har sham ka guzar aise
tumhaari yaad ka phaila ho dhundlaka jaise
sitam-zarif bata kis tarah manaun tujhe
ki juz tere main guzarungi zindagi kaise
ruton mein aaya nazar pyar ka rachao mujhe
tere wajud ko KHud mein samo liya aise
bhari bahaar jo guzri to phir guzarti gai
magar hamein to KHabar hi na ho saki jaise
mohabbaton ke jaziron ke KHwab baqi hain
wagarna din ke ujale bhi rakh hain jaise
- Book : Khayaabaan (Pg. 145)
- Author : Hassan Abbas Raza
- Publication : Bazm-e-Khayaabaan-e-adab, Pakistan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
