duniya-e-justuju mein tamasha bana hua

duniyā-e-justujū meñ tamāshā banā huā

phirtā huuñ shahr-shahr tujhe DhūñDhtā huā

dil kī tajalliyoñ meñ tujhe dekhtā huā

sar-tā-ba-pā huuñ aaj maiñ manzil banā huā

allah re jazb-e-shauq kī sehr-āfrīniyāñ

jitnā tire qarīb huā ġham sivā huā

kis ko sunā.eñ kis se kaheñ hāl-e-kārvāñ

hai rāhbar ke bhes meñ rahzan chhupā huā

namrūd kī ḳhudā.ī se ye daur kam nahīñ

merā bhalā huā na tumhārā bhalā huā

ma.asūmiyat kahūñ ki ise bhī adā kahūñ

dil chhīn kar vo pūchh rahe haiñ ki kyā huā

rakhtā huuñ zindagī se ziyāda use aziiz

dil meñ jo ek 'dard' hai terā diyā huā

duniya-e-justuju mein tamasha bana hua

phirta hun shahr-shahr tujhe DhunDhta hua

dil ki tajalliyon mein tujhe dekhta hua

sar-ta-ba-pa hun aaj main manzil bana hua

allah re jazb-e-shauq ki sehr-afriniyan

jitna tere qarib hua gham siwa hua

kis ko sunaen kis se kahen haal-e-karwan

hai rahbar ke bhes mein rahzan chhupa hua

namrud ki KHudai se ye daur kam nahin

mera bhala hua na tumhaara bhala hua

masumiyat kahun ki ise bhi ada kahun

dil chhin kar wo puchh rahe hain ki kya hua

rakhta hun zindagi se ziyaada use aziz

dil mein jo ek 'dard' hai tera diya hua