duniya ke liye zahr na khaalen koi hum bhi

duniyā ke liye zahr na khāleñ koī ham bhī

is baat pe phir shart lagā leñ koī ham bhī

bahtī huī gañgā tire paanī meñ nahā kar

apne liye nekī na kamā leñ koī ham bhī

lagtā hai yahī vaise guzāra nahīñ hogā

jhūTī hī sahī baat banā leñ koī ham bhī

har saal manā.egī baḌī dhuum se duniyā

is ishq ko tyauhār banā leñ koī ham bhī

dil meñ liye phirte haiñ bas itnī sī ye ḳhvāhish

bāloñ meñ tire phuul lagā leñ koī ham bhī

tū baat nahīñ suntā yahī hal hai phir is kā

jhagḌe ke liye vaqt nikāleñ koī ham bhī

duniya ke liye zahr na khaalen koi hum bhi

is baat pe phir shart laga len koi hum bhi

bahti hui ganga tere pani mein naha kar

apne liye neki na kama len koi hum bhi

lagta hai yahi waise guzara nahin hoga

jhuTi hi sahi baat bana len koi hum bhi

har sal manaegi baDi dhum se duniya

is ishq ko tyauhaar bana len koi hum bhi

dil mein liye phirte hain bas itni si ye KHwahish

baalon mein tere phul laga len koi hum bhi

tu baat nahin sunta yahi hal hai phir is ka

jhagDe ke liye waqt nikalen koi hum bhi