duniya mein kya kisi se sarokar hai hamein

Waliullah Muhib

duniya mein kya kisi se sarokar hai hamein

Waliullah Muhib

MORE BYWaliullah Muhib

    duniyā meñ kyā kisī se sarokār hai hameñ

    tujh bin to apnī ziist dushvār hai hameñ

    nahīñ to jaan tirī jaan qasam

    ye jaan kis ke vāste darkār hai hameñ

    girte haiñ dukh se terī judā.ī ke varna ḳhair

    chañge-bhale haiñ kuchh nahīñ āzār hai hameñ

    mar bach ke din to guzre hai jūñ-tūñ par is tarah

    nazroñ meñ nūr-e-mehr shab-e-tār hai hameñ

    phir raat na pūchh haqīqat ki sub.h tak

    āh-o-fuġhān-o-dīda-e-ḳhūñbār hai hameñ

    ho kar udaas baaġh meñ jāveñ kabhū to vaañ

    nazroñ ke biich har rag-e-gul ḳhaar hai hameñ

    din vo haal raat vo kuchh bayān hai

    sair-e-chaman so dil se kuchh ai yaar hai hameñ

    tis par bhī ham se milne inkār hai tujhe

    jis meñ tirī razā sū-e-iqrār hai hameñ

    shikve bhare haiñ dil meñ va-lekin 'muhibb'-e-man

    kab tere aage tāqat-e-guftār hai hameñ

    duniya mein kya kisi se sarokar hai hamein

    tujh bin to apni zist hi dushwar hai hamein

    tu hi nahin to jaan teri jaan ki qasam

    ye jaan kis ke waste darkar hai hamein

    girte hain dukh se teri judai ke warna KHair

    change-bhale hain kuchh nahin aazar hai hamein

    mar bach ke din to guzre hai jun-tun par is tarah

    nazron mein nur-e-mehr shab-e-tar hai hamein

    phir raat ki na puchh haqiqat ki subh tak

    aah-o-fughan-o-dida-e-KHunbar hai hamein

    ho kar udas bagh mein jawen kabhu to wan

    nazron ke bich har rag-e-gul KHar hai hamein

    din ka wo haal raat ka wo kuchh bayan hai

    sair-e-chaman so dil se kuchh ai yar hai hamein

    tis par bhi hum se milne ka inkar hai tujhe

    jis mein teri raza su-e-iqrar hai hamein

    shikwe bhare hain dil mein wa-lekin 'muhibb'-e-man

    kab tere aage taqat-e-guftar hai hamein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now