duniya mein wafa-kesh bashar DhunDh raha hun
duniyā meñ vafā-kesh bashar DhūñDh rahā huuñ
maiñ naḳhl-e-sanobar meñ samar DhūñDh rahā huuñ
maiñ apnī duāoñ meñ asar DhūñDh rahā huuñ
tārīk fazāoñ meñ qamar DhūñDh rahā huuñ
maiñ aur tamāshā-e-gul-o-rañg pe maa.il
khoyā huā ik zauq-e-nazar DhūñDh rahā huuñ
vo sub.h-e-qayāmat meñ hue jaate haiñ pinhāñ
maiñ shām-e-musībat kī sahar DhūñDh rahā huuñ
ḳhushbū kī tarah ḳhalvat-e-gul se huuñ ramīda
zindān-e-tamannā se mafar DhūñDh rahā huuñ
tashbīh ke afsūñ kā asar pūchho na 'ra.anā'
shamshīr meñ us but kī nazar DhūñDh rahā huuñ
duniya mein wafa-kesh bashar DhunDh raha hun
main naKHl-e-sanobar mein samar DhunDh raha hun
main apni duaon mein asar DhunDh raha hun
tarik fazaon mein qamar DhunDh raha hun
main aur tamasha-e-gul-o-rang pe mail
khoya hua ek zauq-e-nazar DhunDh raha hun
wo subh-e-qayamat mein hue jate hain pinhan
main sham-e-musibat ki sahar DhunDh raha hun
KHushbu ki tarah KHalwat-e-gul se hun ramida
zindan-e-tamanna se mafar DhunDh raha hun
tashbih ke afsun ka asar puchho na 'rana'
shamshir mein us but ki nazar DhunDh raha hun
Source:
Raanaiyan (Pg. 97)
- Author: Birj Lal Raana
-
- Edition: 1950
- Publisher: Maktaba Shan-e-Hindi, Delhi
- Year of Publication: 1950
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
