duniya mere daman ki hawa mang rahi hai

duniyā mire dāman kī havā maañg rahī hai

din raat sañvarne kī du'ā maañg rahī hai

ḳhud zindagī jiine kī du'ā maañg rahī hai

gesū se tirī kaalī du'ā maañg rahī hai

gulshan kī kalī mauj-e-sabā maañg rahī hai

har shāḳh ke hoñToñ pe sadā maañg rahī hai

ḳhvāboñ se ḳhayāloñ se ḳhatā maañg rahī hai

ye raat bilā jurm sazā maañg rahī hai

ne'mat thī mirī jaan magar maañg rahī hai

jiine ke liye rab se du'ā maañg rahī hai

ḳhushbū se mohabbat se 'ināyat se karam se

phir vādī-e-dil ThanDī havā maañg rahī hai

har saañs ġhanīmat hai yahāñ aaj bhī 'sajjād'

har saañs mirī rab kī razā maañg rahī hai

duniya mere daman ki hawa mang rahi hai

din raat sanwarne ki du'a mang rahi hai

KHud zindagi jine ki du'a mang rahi hai

gesu se teri kali du'a mang rahi hai

gulshan ki kali mauj-e-saba mang rahi hai

har shaKH ke honTon pe sada mang rahi hai

KHwabon se KHayalon se KHata mang rahi hai

ye raat bila jurm saza mang rahi hai

ne'mat thi meri jaan magar mang rahi hai

jine ke liye rab se du'a mang rahi hai

KHushbu se mohabbat se 'inayat se karam se

phir wadi-e-dil ThanDi hawa mang rahi hai

har sans ghanimat hai yahan aaj bhi 'sajjad'

har sans meri rab ki raza mang rahi hai