duniya ne sach ko jhuT kaha kuchh nahin hua
duniyā ne sach ko jhuuT kahā kuchh nahīñ huā
itnā lahū zamīñ pe bahā kuchh nahīñ huā
pahle bhī karbalā meñ mashiyyat ḳhamosh thī
ab ik charāġh aur bujhā kuchh nahīñ huā
fir.aun-e-maslahat sar-e-tūr-e-nazar rahe
muusā bhī le ke aa.e asā kuchh nahīñ huā
mere lahū ko chehre pe mal kar mirī zamīñ
detī rahī falak ko sadā kuchh nahīñ huā
taslīs-e-be-hisī ne haram ko zubūñ kiyā
qur.āñ bhī rehl-e-jāñ se girā kuchh nahīñ huā
shal ho ga.e haiñ haath duā māñgte hue
ab kyā kahūñ ki mere ḳhudā kuchh nahīñ huā
dekheñ vo sub.h-e-amn kab aa.e 'safī'-hasan
ab tak sivā-e-jaur-o-jafā kuchh nahīñ huā
duniya ne sach ko jhuT kaha kuchh nahin hua
itna lahu zamin pe baha kuchh nahin hua
pahle bhi karbala mein mashiyyat KHamosh thi
ab ek charagh aur bujha kuchh nahin hua
firaun-e-maslahat sar-e-tur-e-nazar rahe
musa bhi le ke aae asa kuchh nahin hua
mere lahu ko chehre pe mal kar meri zamin
deti rahi falak ko sada kuchh nahin hua
taslis-e-be-hisi ne haram ko zubun kiya
quran bhi rehl-e-jaan se gira kuchh nahin hua
shal ho gae hain hath dua mangte hue
ab kya kahun ki mere KHuda kuchh nahin hua
dekhen wo subh-e-amn kab aae 'safi'-hasan
ab tak siwa-e-jaur-o-jafa kuchh nahin hua
- Book : Urdu Gazal ka Magribi Daricha (Pg. 368)
- Author : Dr. Jawaz Jafri
- Publication : Kitab Saray, Lahore (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.