aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

duniya se aaj jazb-e-wafa mangta hun main

Raees Akhtar

duniya se aaj jazb-e-wafa mangta hun main

Raees Akhtar

MORE BYRaees Akhtar

    duniyā se aaj jazb-e-vafā māñgtā huuñ maiñ

    ye jurm hai agar to sazā māñgtā huuñ maiñ

    kis moḌ par hayāt ke chhoḌā hai tum ne saath

    ik ik se aaj apnā pata māñgtā huuñ maiñ

    maiñ ne to thī dard-e-musalsal aarzū

    tum ko gumāñ huā ki davā māñgtā huuñ maiñ

    ra.anā.ī-e-bahār baḌhāne ke vāste

    terā jamāl terī adā māñgtā huuñ maiñ

    barsāo mujh pe sañg ba-nām-e-ḳhulūs-e-ishq

    apne kiye aap sazā māñgtā huuñ maiñ

    tum māñgte ho saarī ḳhudā.ī to maañg lo

    apne liye to sirf ḳhudā māñgtā huuñ maiñ

    kyā jaane ab sameT ke saarī tabāhiyāñ

    is daur-e-iztirāb se kyā māñgtā huuñ maiñ

    qātil ko ġham-gusār samajhtā huuñ ab 'ra.īs'

    maqtal meñ zindagī duā māñgtā huuñ maiñ

    duniya se aaj jazb-e-wafa mangta hun main

    ye jurm hai agar to saza mangta hun main

    kis moD par hayat ke chhoDa hai tum ne sath

    ek ek se aaj apna pata mangta hun main

    main ne to ki thi dard-e-musalsal ki aarzu

    tum ko guman hua ki dawa mangta hun main

    ranai-e-bahaar baDhane ke waste

    tera jamal teri ada mangta hun main

    barsao mujh pe sang ba-nam-e-KHulus-e-ishq

    apne kiye ki aap saza mangta hun main

    tum mangte ho sari KHudai to mang lo

    apne liye to sirf KHuda mangta hun main

    kya jaane ab sameT ke sari tabahiyan

    is daur-e-iztirab se kya mangta hun main

    qatil ko gham-gusar samajhta hun ab 'rais'

    maqtal mein zindagi ki dua mangta hun main

    Source:

    Aina-e-Dil (Pg. 67)

    • Author: Raees Akhtar
      • Edition: 1979
      • Publisher: Urdu Academy, Hyderabad
      • Year of Publication: 1979
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now