duniya se be-shumar musalman guzar gae

duniyā se be-shumār musalmāñ guzar ga.e

husn-e-azal pe shashdar-o-hairāñ guzar ga.e

mumkin na thā ki diid kī ne.amat yahāñ mile

dil meñ liye visāl ke armāñ guzar ga.e

insāniyat ko naaz thā jin ke vajūd par

aise bhī jaane kitne hī insāñ guzar ga.e

aalam fanā-pazīr hai baaqī hai zāt-e-haq

lākhoñ karoḌoñ hazrat-e-insāñ guzar ga.e

tūfāñ jo uTh rahā hai vo baiThegā ek din

aise na jaane kitne hī tūfāñ guzar ga.e

islām kā muhāfiz-o-nigarāñ hai ḳhud ḳhudā

ham jaise jaane kitne musalmāñ guzar ga.e

husn-e-azal hai aaj bhī jalva-fagan 'urūj'

husn-e-azal ke laakh ġhazal-ḳhvāñ guzar ga.e

duniya se be-shumar musalman guzar gae

husn-e-azal pe shashdar-o-hairan guzar gae

mumkin na tha ki did ki neamat yahan mile

dil mein liye visal ke arman guzar gae

insaniyat ko naz tha jin ke wajud par

aise bhi jaane kitne hi insan guzar gae

aalam fana-pazir hai baqi hai zat-e-haq

lakhon karoDon hazrat-e-insan guzar gae

tufan jo uTh raha hai wo baiThega ek din

aise na jaane kitne hi tufan guzar gae

islam ka muhafiz-o-nigaran hai KHud KHuda

hum jaise jaane kitne musalman guzar gae

husn-e-azal hai aaj bhi jalwa-fagan 'uruj'

husn-e-azal ke lakh ghazal-KHwan guzar gae