duniya teri raunaq se main ab ub raha hun

Munawwar Rana

duniya teri raunaq se main ab ub raha hun

Munawwar Rana

MORE BYMunawwar Rana

    duniyā tirī raunaq se maiñ ab uub rahā huuñ

    chāñd mujhe kahtī thī maiñ Duub rahā huuñ

    ab koī shanāsā bhī dikhā.ī nahīñ detā

    barsoñ maiñ isī shahr mahbūb rahā huuñ

    maiñ ḳhvāb nahīñ aap āñkhoñ tarah thā

    maiñ aap lahja nahīñ uslūb rahā huuñ

    rusvā.ī mire naam se mansūb rahī hai

    maiñ ḳhud kahāñ rusvā.ī se mansūb rahā huuñ

    sachchā.ī to ye hai ki tire qarya-e-dil meñ

    ik vo bhī zamāna thā ki maiñ ḳhuub rahā huuñ

    us shahr ke patthar bhī gavāhī mirī deñge

    sahrā bhī batā degā ki majzūb rahā huuñ

    duniyā mujhe sāhil se khaḌī dekh rahī hai

    maiñ ek jazīre tarah Duub rahā huuñ

    shohrat mujhe miltī hai to chup-chāp khaḌī rah

    rusvā.ī maiñ tujh se bhī to mansūb rahā huuñ

    pheñk aa.e the mujh ko bhī mire bhaa.ī kueñ meñ

    maiñ sabr meñ bhī hazrat-e-ayyūb rahā huuñ

    duniya teri raunaq se main ab ub raha hun

    tu chand mujhe kahti thi main Dub raha hun

    ab koi shanasa bhi dikhai nahin deta

    barson main isi shahr ka mahbub raha hun

    main KHwab nahin aap ki aankhon ki tarah tha

    main aap ka lahja nahin uslub raha hun

    ruswai mere nam se mansub rahi hai

    main KHud kahan ruswai se mansub raha hun

    sachchai to ye hai ki tere qarya-e-dil mein

    ek wo bhi zamana tha ki main KHub raha hun

    us shahr ke patthar bhi gawahi meri denge

    sahra bhi bata dega ki majzub raha hun

    duniya mujhe sahil se khaDi dekh rahi hai

    main ek jazire ki tarah Dub raha hun

    shohrat mujhe milti hai to chup-chap khaDi rah

    ruswai main tujh se bhi to mansub raha hun

    phenk aae the mujh ko bhi mere bhai kuen mein

    main sabr mein bhi hazrat-e-ayyub raha hun

    Videos
    This video is playing from YouTube

    Videos
    This video is playing from YouTube

    Munawwar Rana

    Munawwar Rana

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now