duniya tujhse chand bundon ki sawali kyon

duniyā tujh se chañd būñdoñ kī savālī kyoñ

bādal terī jholī itnī ḳhālī kyoñ

itnī phīkī itnī hai be-rang bahār

har Tahnī har Daalī ḳhālī ḳhālī kyoñ

ik din us kī chhātī par chaḌh baiThā maiñ

pūchhā kyoñ detā hai maañ kī gaalī kyoñ

jin kī lakīroñ par bhī haq nahīñ bantā kuchh

niiñd uḌā.eñ vo āñkheñ matvālī kyoñ

ishq meñ ik minnat kā dhāga bāñdhā thā

yādeñ chhoḌ ga.ī marqad kī jaalī kyoñ

apne chehre bhī haiñ ġhair nigāhoñ meñ

duniyā tū ne itnī dekhī-bhālī kyoñ

ek khanak sunñī thī chaa.e kī pyālī kī

tū ne ye nāzuk farmā.ish Taalī kyoñ

barf ke jaise saare sutūn the shīshe ke

ham ne un par apnī imārat Dhālī kyoñ

ik gūñgā sā rishta qaa.em kar baiThīñ

khiḌkī se do āñkheñ bholī-bhālī kyoñ

duniya tujh se chand bundon ki sawali kyon

baadal teri jholi itni KHali kyon

itni phiki itni hai be-rang bahaar

har Tahni har Dali KHali KHali kyon

ek din us ki chhati par chaDh baiTha main

puchha kyon deta hai man ki gali kyon

jin ki lakiron par bhi haq nahin banta kuchh

nind uDaen wo aankhen matwali kyon

ishq mein ek minnat ka dhaga bandha tha

yaaden chhoD gai marqad ki jali kyon

apne chehre bhi hain ghair nigahon mein

duniya tu ne itni dekhi-bhaali kyon

ek khanak sunni thi chae ki pyali ki

tu ne ye nazuk farmaish Tali kyon

barf ke jaise sare sutun the shishe ke

hum ne un par apni imarat Dhaali kyon

ek gunga sa rishta qaem kar baiThin

khiDki se do aankhen bholi-bhaali kyon