durusht kyun tha wo itna kalam se pahle

durusht kyuuñ thā vo itnā kalām se pahle

ki merā naam na thā us ke naam se pahle

vo sab charāġh ki thī jin meñ raushnī kī ramaq

bujhā diye ga.e bastī meñ shaam se pahle

vo mehrbāñ bhī hue dushmanī pe āmāda

ham āshnā bhī na the jin ke naam se pahle

ḳhud-e'timād kabhī the par ab ye aalam hai

hazār vasvase dil meñ haiñ kaam se pahle

hamāre dars-e-mohabbat kā pūchhte kyā ho

kitābī chehra paḌhā hai kalām se pahle

subuk-ravān-e-rah-e-ġham ne zindagī 'mohsin'

musāfirāna guzārī qayām se pahle

durusht kyun tha wo itna kalam se pahle

ki mera nam na tha us ke nam se pahle

wo sab charagh ki thi jin mein raushni ki ramaq

bujha diye gae basti mein sham se pahle

wo mehrban bhi hue dushmani pe aamada

hum aashna bhi na the jin ke nam se pahle

KHud-e'timad kabhi the par ab ye aalam hai

hazar waswase dil mein hain kaam se pahle

hamare dars-e-mohabbat ka puchhte kya ho

kitabi chehra paDha hai kalam se pahle

subuk-rawan-e-rah-e-gham ne zindagi 'mohsin'

musafirana guzari qayam se pahle