dushman jawaniyon ki ye aashnaiyan hain
dushman javāniyoñ kī ye āshnā.iyāñ haiñ
in āshnā.iyoñ meñ kyā kyā burā.iyāñ haiñ
'hasrat' kaho ki kis se āñkheñ laḌā.iyāñ haiñ
hoñToñ pe sard aa.heñ muñh pe havā.iyāñ haiñ
yā dil-sitāniyāñ thiiñ aur mehrbāniyāñ thiiñ
yā kaj-adā.iyāñ haiñ yā bevafā.iyāñ haiñ
qismat kī kyā shikāyat taqdīr kā gilā kyā
jitnī burā.iyāñ haiñ dil kī burā.iyāñ haiñ
dushman jawaniyon ki ye aashnaiyan hain
in aashnaiyon mein kya kya buraiyan hain
'hasrat' kaho ki kis se aankhen laDaiyan hain
honTon pe sard aahen munh pe hawaiyan hain
ya dil-sitaniyan thin aur mehrbaniyan thin
ya kaj-adaiyan hain ya bewafaiyan hain
qismat ki kya shikayat taqdir ka gila kya
jitni buraiyan hain dil ki buraiyan hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
