aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dushman ki taraf ho ke nikalne nahin dete

Riyaz Khairabadi

dushman ki taraf ho ke nikalne nahin dete

Riyaz Khairabadi

MORE BYRiyaz Khairabadi

    dushman taraf ho ke nikalne nahīñ dete

    ham ko vo burī raah bhī chalne nahīñ dete

    āñkheñ hameñ talvoñ se vo malne nahīñ dete

    ham chuTkiyoñ se dil ko masalne nahīñ dete

    kahte haiñ mai-e-nāb hasīnoñ hai joban

    ham bazm meñ apnī use Dhalne nahīñ dete

    vo kyā lahd-e-ġhair ko pāmāl kareñge

    chalte hue fiqre bhī to chalne nahīñ dete

    jaltā huuñ bachāte haiñ use soz-e-darūñ se

    dushman ko mirī aag meñ jalne nahīñ dete

    nāzuk hai mire naḳhl-e-tamannā har ik shāḳh

    is ḳhauf se vo phūlne-phalne nahīñ dete

    kab bose liye un ke jo bal khaa.e haiñ gesū

    tum gāloñ ko kyuuñ zahr ugalne nahīñ dete

    aa.ī hai ye kahtī huī kis shab-e-furqat

    ham rañg zamāne ko badalne nahīñ dete

    Dar hai na dupaTTa kahīñ siine se sarak jaa.e

    pañkhā bhī hameñ paas se jhalne nahīñ dete

    kyuuñ ham ko jalāte ho dam-e-vasl ye kyā hai

    kyuuñ phūñkte ho sham.a ko jalne nahīñ dete

    hai jaan mirī kashmakash-e-naz.a meñ din-rāt

    armān to kyā dam bhī nikalne nahīñ dete

    khulne nahīñ dete kabhī kam-zarfī-e-vā.iz

    ham riñd pilā kar bhī ubalne nahīñ dete

    jaatā huuñ to aatī hai yahī tuur se āvāz

    ham dekhne vāloñ ko sambhalne nahīñ dete

    kyā kaam 'riyāz' aane ko sau baar bahār aa.e

    ham ko ye hasīñ phūlne-phalne nahīñ dete

    dushman ki taraf ho ke nikalne nahin dete

    hum ko wo buri rah bhi chalne nahin dete

    aankhen hamein talwon se wo malne nahin dete

    hum chuTkiyon se dil ko masalne nahin dete

    kahte hain mai-e-nab hasinon ka hai joban

    hum bazm mein apni use Dhalne nahin dete

    wo kya lahd-e-ghair ko pamal karenge

    chalte hue fiqre bhi to chalne nahin dete

    jalta hun bachate hain use soz-e-darun se

    dushman ko meri aag mein jalne nahin dete

    nazuk hai mere naKHl-e-tamanna ki har ek shaKH

    is KHauf se wo phulne-phalne nahin dete

    kab bose liye un ke jo bal khae hain gesu

    tum galon ko kyun zahr ugalne nahin dete

    aai hai ye kahti hui kis ki shab-e-furqat

    hum rang zamane ko badalne nahin dete

    Dar hai na dupaTTa kahin sine se sarak jae

    pankha bhi hamein pas se jhalne nahin dete

    kyun hum ko jalate ho dam-e-wasl ye kya hai

    kyun phunkte ho shama ko jalne nahin dete

    hai jaan meri kashmakash-e-naza mein din-raat

    arman to kya dam bhi nikalne nahin dete

    khulne nahin dete kabhi kam-zarfi-e-waiz

    hum rind pila kar bhi ubalne nahin dete

    jata hun to aati hai yahi tur se aawaz

    hum dekhne walon ko sambhalne nahin dete

    kya kaam 'riyaz' aane ko sau bar bahaar aae

    hum ko ye hasin phulne-phalne nahin dete

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now