dushman ko zad par aa jaane do dashna mil jaega
dushman ko zad par aa jaane do dashna mil jā.egā
zindānoñ ko toḌ nikalne kā rasta mil jā.egā
shāh-savār ke kaT jaane kā dukh to hameñ bhī hai lekin
tum parcham thāme rakhnā sālār-e-sipah mil jā.egā
hameñ ḳhabar thī shahr-e-panah par khaḌī sipāh munāfiq hai
hameñ yaqīñ thā naqab-zanoñ se ye dasta mil jā.egā
soch-kamān salāmat rakhnī hogī tīr-andāz bahut
kaun hadaf hai aur kahāñ hai us kā pata mil jā.egā
bas tum jabr kī choTī sar karne kā ahd javāñ rakhnā
us tak jaane vaale rastoñ kā naqsha mil jā.egā
hasan-'razā' uTh aur qadam āvāz-e-jaras par rakh varnā
shaah kā sar laane tujh sā koī divāna mil jā.egā
dushman ko zad par aa jaane do dashna mil jaega
zindanon ko toD nikalne ka rasta mil jaega
shah-sawar ke kaT jaane ka dukh to hamein bhi hai lekin
tum parcham thame rakhna salar-e-sipah mil jaega
hamein KHabar thi shahr-e-panah par khaDi sipah munafiq hai
hamein yaqin tha naqab-zanon se ye dasta mil jaega
soch-kaman salamat rakhni hogi tir-andaz bahut
kaun hadaf hai aur kahan hai us ka pata mil jaega
bas tum jabr ki choTi sar karne ka ahd jawan rakhna
us tak jaane wale raston ka naqsha mil jaega
hasan-'raza' uTh aur qadam aawaz-e-jaras par rakh warna
shah ka sar lane tujh sa koi diwana mil jaega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
