aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Dub kar ubharne mein der kitni lagti hai

Shahnaz Parveen Sahar

Dub kar ubharne mein der kitni lagti hai

Shahnaz Parveen Sahar

MORE BYShahnaz Parveen Sahar

    Duub kar ubharne meñ der kitnī lagtī hai

    raat ke guzarne meñ der kitnī lagtī hai

    chunriyoñ meñ chūḌī meñ rañg kitne bhāte haiñ

    rañg ke utarne meñ der kitnī lagtī hai

    maañ ke peT meñ bachcha rome rome baḌhtā hai

    aadmī ko marne meñ der kitnī lagtī hai

    ghar ko ghar banāne meñ umr biit jaatī hai

    phir makān girne meñ der kitnī lagtī hai

    uñgliyoñ poroñ meñ kirchiyāñ utartī haiñ

    kāñch ke bikharne meñ der kitnī lagtī hai

    umr kaise Dhaltī he maut kaise paltī hai

    chaar din guzarne meñ der kitnī lagtī hai

    shāḳh hathelī par phuul muskurātā hai

    phuul ke bikharne meñ der kitnī lagtī hai

    dostī ke rishte par jab savāl uThtā hai

    dost ko mukarne meñ der kitnī lagtī hai

    umr bhar ke sāthī jab rāste badalte haiñ

    umr ko guzarne meñ der kitnī lagtī hai

    maslahat ke parde umr kitnī hotī hai

    ye naqāb utarne meñ der kitnī lagtī hai

    ek sar chādar ho aur paañv meñ chappal

    apne saj sañvarne meñ der kitnī lagtī hai

    Dub kar ubharne mein der kitni lagti hai

    raat ke guzarne mein der kitni lagti hai

    chunriyon mein chuDi mein rang kitne bhate hain

    rang ke utarne mein der kitni lagti hai

    man ke peT mein bachcha rome rome baDhta hai

    aadmi ko marne mein der kitni lagti hai

    ghar ko ghar banane mein umr bit jati hai

    phir makan girne mein der kitni lagti hai

    ungliyon ki poron mein kirchiyan utarti hain

    kanch ke bikharne mein der kitni lagti hai

    umr kaise Dhalti he maut kaise palti hai

    chaar din guzarne mein der kitni lagti hai

    shaKH ki hatheli par phul muskuraata hai

    phul ke bikharne mein der kitni lagti hai

    dosti ke rishte par jab sawal uThta hai

    dost ko mukarne mein der kitni lagti hai

    umr bhar ke sathi jab raste badalte hain

    umr ko guzarne mein der kitni lagti hai

    maslahat ke parde ki umr kitni hoti hai

    ye naqab utarne mein der kitni lagti hai

    ek sar ki chadar ho aur panw mein chappal

    apne saj sanwarne mein der kitni lagti hai

    Source:

    Word File Mail By Salim Saleem

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now