Dubte Dubte suraj ne ziyaen din hain

Dūbte Dūbte sūraj ne ziyā.eñ diiñ haiñ

terī yādoñ ne bahut dil ko sadā.eñ diiñ haiñ

ye adālat kisī tahrīr kī muhtāj nahīñ

vaqt ne har kas-o-nā-kas ko sazā.eñ diiñ haiñ

zindagī tujh ko barahna nahīñ rakkhā hai kabhī

ham ne har dard ko lafzoñ kī qabā.eñ diiñ haiñ

sirf fayyāzī ke qisse na muarriḳh likhnā

bujhte sho.aloñ ko bhī to us ne havā.eñ diiñ haiñ

shā.erī yūñhī nahīñ puḳhta mirī ai 'shauqī'

mere ustād ne kuchh aisī duā.eñ diiñ haiñ

Dubte Dubte suraj ne ziyaen din hain

teri yaadon ne bahut dil ko sadaen din hain

ye adalat kisi tahrir ki muhtaj nahin

waqt ne har kas-o-na-kas ko sazaen din hain

zindagi tujh ko barahna nahin rakkha hai kabhi

hum ne har dard ko lafzon ki qabaen din hain

sirf fayyazi ke qisse na muarriKH likhna

bujhte shoalon ko bhi to us ne hawaen din hain

shaeri yunhi nahin puKHta meri ai 'shauqi'

mere ustad ne kuchh aisi duaen din hain