aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Dubte taron se puchho na qamar se puchho

Anwar Moazzam

Dubte taron se puchho na qamar se puchho

Anwar Moazzam

MORE BYAnwar Moazzam

    Dūbte tāroñ se pūchho na qamar se pūchho

    qissa-e-ruḳhsat-e-shab sham-e-sahar se pūchho

    kis ne bahlāyā ḳhizāñ ko gul-e-tar se pūchho

    gul pe kyā guzrī bahāroñ ke jigar se pūchho

    kaun royā pas-e-dīvār-e-chaman āḳhir-e-shab

    kyuuñ sabā lauT ga.ī rāhguzar se pūchho

    raat bhar diip sar-e-rāh jale kis ke liye

    kyuuñ añdherā thā bhare ghar meñ qamar se pūchho

    kis ke dāman se lagī nik.hat-e-gul rotī hai

    kaun hotā hai judā ke nagar se pūchho

    ek āvāz to gūñjī thī ufuq-tā-ba-ufuq

    kārvāñ gum hai kahāñ gard-e-safar se pūchho

    Dubte taron se puchho na qamar se puchho

    qissa-e-ruKHsat-e-shab sham-e-sahar se puchho

    kis ne bahlaya KHizan ko gul-e-tar se puchho

    gul pe kya guzri bahaaron ke jigar se puchho

    kaun roya pas-e-diwar-e-chaman aaKHir-e-shab

    kyun saba lauT gai rahguzar se puchho

    raat bhar dip sar-e-rah jale kis ke liye

    kyun andhera tha bhare ghar mein qamar se puchho

    kis ke daman se lagi nikhat-e-gul roti hai

    kaun hota hai juda ji ke nagar se puchho

    ek aawaz to gunji thi ufuq-ta-ba-ufuq

    karwan gum hai kahan gard-e-safar se puchho

    Source:

    Funoon(Jadeed Ghazal Number: Volume-002) (Pg. 665)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now