ڈوبتی نبض چلتی ہوا دیکھنا
ڈوبتی نبض چلتی ہوا دیکھنا
موسم ہجر میں اور کیا دیکھنا
رت بدلتے ہوئے وقت لگتا نہیں
گھر سے نکلو تو پہلے فضا دیکھنا
زندگی اک سفر ہے مسلسل سفر
ٹوٹنا ہے کہاں سلسلہ دیکھنا
چھین لے گی متاع غم عشق بھی
ایک دن مجھ سے میری انا دیکھنا
مشغلہ بن گیا زندگی کا مری
ایک ہی شخص کا راستہ دیکھنا
خواب تسکین بھی ہے اذیت بھی ہے
خواب کے بعد تعبیر کیا دیکھنا
اب کسی کی بھی پہچان مشکل نہیں
آ گیا ہے مجھے آئنہ دیکھنا
سوچنا شہر میں امن کا راج ہے
جب بھی اخترؔ کوئی در کھلا دیکھنا
مأخذ:
چراغ جلنے تک (Pg. 170)
- مصنف: اختر سعیدی
-
- ناشر: ندیم پبلیکیشنز، کراچی
- سن اشاعت: 1989
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
