dur jakar bhi ghar nahin chhoDa

duur jākar bhī ghar nahīñ chhoḌā

chhoḌ sakte the par nahīñ chhoḌā

ham-safar rāste se lauT ga.e

ham ne Dar kar safar nahīñ chhoḌā

ek din hogā beḌā paar apnā

is liye bhī bhañvar nahīñ chhoḌā

koī ik baar jo hamārā huā

phir use 'umr bhar nahīñ chhoḌā

apnī zid par aḌā rahā vo bhī

ham ne bhī us kā dar nahīñ chhoḌā

dur jakar bhi ghar nahin chhoDa

chhoD sakte the par nahin chhoDa

ham-safar raste se lauT gae

hum ne Dar kar safar nahin chhoDa

ek din hoga beDa par apna

is liye bhi bhanwar nahin chhoDa

koi ek bar jo hamara hua

phir use 'umr bhar nahin chhoDa

apni zid par aDa raha wo bhi

hum ne bhi us ka dar nahin chhoDa