etibar-e-nigah-e-yar ne dam toD diya

e'tibār-e-nigah-e-yār ne dam toḌ diyā

aaj ik hijr ke bīmār ne dam toḌ diyā

ziist ke qāfila-e-sālār ne dam toḌ diyā

rāh-e-ulfat meñ dil-e-zār ne dam toḌ diyā

hai shifāyāb marīz-e-ġham-e-hastī ai dost

zindagī thak ga.ī āzār ne dam toḌ diyā

kyā kiyā aap ne chehra se haTā kar parda

daf.atan hasrat-e-dīdār ne dam toḌ diyā

kyā tire sāġhar-e-dil kī vo khanak thī saaqī

jis kī āvāz pe mai-ḳhvār ne dam toḌ diyā

manzil-e-azmat-e-ulfat kā pata pā na sake

aql kī tāqat-e-raftār ne dam toḌ diyā

aap ye āḳhirī paiġhām-e-masarrat sun leñ

ki 'hayāt'-e-jigar-afgār ne dam toḌ diyā

e'tibar-e-nigah-e-yar ne dam toD diya

aaj ek hijr ke bimar ne dam toD diya

zist ke qafila-e-salar ne dam toD diya

rah-e-ulfat mein dil-e-zar ne dam toD diya

hai shifayab mariz-e-gham-e-hasti ai dost

zindagi thak gai aazar ne dam toD diya

kya kiya aap ne chehra se haTa kar parda

dafatan hasrat-e-didar ne dam toD diya

kya tere saghar-e-dil ki wo khanak thi saqi

jis ki aawaz pe mai-KHwar ne dam toD diya

manzil-e-azmat-e-ulfat ka pata pa na sake

aql ki taqat-e-raftar ne dam toD diya

aap ye aaKHiri paigham-e-masarrat sun len

ki 'hayat'-e-jigar-afgar ne dam toD diya