ehsan tera dil mera kya yaad karega

ehsān tirā dil mirā kyā yaad karegā

jo ḳhaak ko us kī na tū barbād karegā

nai hasrat-e-gul-gasht na parvāz kī tāqat

sadqe meñ tire kyā mujhe āzād karegā

maujūd huuñ hāzir huuñ maiñ raazī huuñ maiñ ḳhush huuñ

sar par mire jo kuchh ki vo jallād karegā

juz ġham ke na hāsil huā sohbat meñ kisū kī

is dil ko ilāhī koī bhī shaad karegā

saudā na gayā us kā tabīboñ kī davā se

to aa ke ilaaj ab koī fassād karegā

jo is meñ bhī chañgā na huā to koī din meñ

jā ḳhāna-e-zanjīr ko ābād karegā

us kī jo kamar hove to khīñche koī 'hātim'

kyā apnā sar aa kar yahāñ bahzād karegā

ehsan tera dil mera kya yaad karega

jo KHak ko us ki na tu barbaad karega

nai hasrat-e-gul-gasht na parwaz ki taqat

sadqe mein tere kya mujhe aazad karega

maujud hun hazir hun main raazi hun main KHush hun

sar par mere jo kuchh ki wo jallad karega

juz gham ke na hasil hua sohbat mein kisu ki

is dil ko ilahi koi bhi shad karega

sauda na gaya us ka tabibon ki dawa se

to aa ke ilaj ab koi fassad karega

jo is mein bhi changa na hua to koi din mein

ja KHana-e-zanjir ko aabaad karega

us ki jo kamar howe to khinche koi 'hatim'

kya apna sar aa kar yahan bahzad karega