ehsas-e-ashiqi ne begana kar diya hai

ehsās-e-āshiqī ne begāna kar diyā hai

yuuñ bhī kisī ne aksar dīvāna kar diyā hai

ab kyā umiid rakkhūñ ai husn-e-yār tujh se

tū ne to muskurā kar dīvāna kar diyā hai

tujh se ḳhudā hī samjhe tū ne kisī ko ai dil

mujh se bhī kuchh ziyāda dīvāna kar diyā hai

phir us ke dekhne ko āñkheñ taras rahī haiñ

yādash ba-ḳhair jis ne dīvāna kar diyā hai

mujh ko junūñ se apne shikva jo hai to ye hai

merī mohabbatoñ ko afsāna kar diyā hai

ai husn-e-roz afzūñ umrat darāz baad

donoñ jahāñ se mujh ko begāna kar diyā hai

jab dil meñ aa gayā hai ik jumbish-e-nazar ne

dīvāna kah diyā hai dīvāna kar diyā hai

mujh se hī pūchhte haiñ ye shoḳhiyāñ to dekho

mere 'jigar' ko kis ne dīvāna kar diyā hai

ehsas-e-ashiqi ne begana kar diya hai

yun bhi kisi ne aksar diwana kar diya hai

ab kya umid rakkhun ai husn-e-yar tujh se

tu ne to muskura kar diwana kar diya hai

tujh se KHuda hi samjhe tu ne kisi ko ai dil

mujh se bhi kuchh ziyaada diwana kar diya hai

phir us ke dekhne ko aankhen taras rahi hain

yaadash ba-KHair jis ne diwana kar diya hai

mujh ko junun se apne shikwa jo hai to ye hai

meri mohabbaton ko afsana kar diya hai

ai husn-e-roz afzun umrat daraaz baad

donon jahan se mujh ko begana kar diya hai

jab dil mein aa gaya hai ek jumbish-e-nazar ne

diwana kah diya hai diwana kar diya hai

mujh se hi puchhte hain ye shoKHiyan to dekho

mere 'jigar' ko kis ne diwana kar diya hai