ek anhoni ka Dar hai aur main
ek anhonī kā Dar hai aur maiñ
dasht kā andhā safar hai aur maiñ
hasrat-e-tāmīr puurī yuuñ huī
hasratoñ kā ik nagar hai aur maiñ
bām-o-dar ko nuur se nahlā gayā
ek uḌtī sī ḳhabar hai aur maiñ
mashġhala Thahrā hai chehre dekhnā
us ke ghar kī rahguzar hai aur maiñ
jab se āñgan meñ uThī dīvār hai
is havelī kā khañDar hai aur maiñ
vaqt ke parde pe ab to roz-o-shab
ik tamāshā-e-digar hai aur maiñ
jaane kyā anjām ho 'nāsir' mirā
ek yār-e-be-ḳhabar hai aur maiñ
ek anhoni ka Dar hai aur main
dasht ka andha safar hai aur main
hasrat-e-tamir puri yun hui
hasraton ka ek nagar hai aur main
baam-o-dar ko nur se nahla gaya
ek uDti si KHabar hai aur main
mashghala Thahra hai chehre dekhna
us ke ghar ki rahguzar hai aur main
jab se aangan mein uThi diwar hai
is haweli ka khanDar hai aur main
waqt ke parde pe ab to roz-o-shab
ek tamasha-e-digar hai aur main
jaane kya anjam ho 'nasir' mera
ek yar-e-be-KHabar hai aur main
- Book : Pakistani Adab (Pg. 700)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
