ek be-hasil talab be-nam ek manzil bana

Khwaja Shauq

ek be-hasil talab be-nam ek manzil bana

Khwaja Shauq

MORE BYKhwaja Shauq

    ek be-hāsil talab be-nām ik manzil banā

    TūTne ke ba.ad dil dar-haqīqat dil banā

    manzileñ kyā nayā har jāda-e-manzil banā

    lekin apne aap ko pahle kisī qābil banā

    ham fareb-e-rañg-o-bū khā kar bhī aage baḌh ga.e

    kam-nigāhoñ ke liye har marhala mushkil banā

    kis qadar ahd-āfrīñ aalam hai terī zaat

    jo tirī mahfil meñ aayā vo ḳhud ik mahfil banā

    ġham se nā-mānūs rahne tak thiiñ saarī talḳhiyāñ

    rafta rafta ġham apnī umr hāsil banā

    ga.e kitne aañsū ham ba-nām-e-zindagi

    ek muddat meñ kahīñ dil dard ke qābil banā

    jazba-e-manzil salāmat rāstoñ kyā kamī

    ham jidhar nikle nayā ik jāda-e-manzil banā

    har maqām-e-zindagī par thā mirā aalam judā

    maiñ kahīñ tūfāñ kahīñ kashtī kahīñ sāhil banā

    tabsire karne lage haiñ log hasb-e-hausla

    'shauq' āsānī se maiñ kuchh aur bhī mushkil banā

    ek be-hasil talab be-nam ek manzil bana

    TuTne ke baad hi dil dar-haqiqat dil bana

    manzilen hi kya naya har jada-e-manzil bana

    lekin apne aap ko pahle kisi qabil bana

    hum fareb-e-rang-o-bu kha kar bhi aage baDh gae

    kam-nigahon ke liye har marhala mushkil bana

    kis qadar ahd-afrin aalam hai teri zat ka

    jo teri mahfil mein aaya wo KHud ek mahfil bana

    gham se na-manus rahne tak thin sari talKHiyan

    rafta rafta gham hi apni umr ka hasil bana

    pi gae kitne hi aansu hum ba-nam-e-zindagi

    ek muddat mein kahin dil dard ke qabil bana

    jazba-e-manzil salamat raston ki kya kami

    hum jidhar nikle naya ek jada-e-manzil bana

    har maqam-e-zindagi par tha mera aalam juda

    main kahin tufan kahin kashti kahin sahil bana

    tabsire karne lage hain log hasb-e-hausla

    'shauq' aasani se main kuchh aur bhi mushkil bana

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY