ek chehra tera hai ghar ke liye

ek chehra tirā hai ghar ke liye

ek chehra bhare nagar ke liye

dūsrā ishq ab nahīñ hogā

dard kaafī hai ek sar ke liye

dil bahaltā hai aisī bātoñ se

kab hai māñgī duā asar ke liye

aur bhī zād-e-rāh haiñ lekin

lāzmī hai yaqīñ safar ke liye

be-basar tū nahīñ hai maan liyā

ho basīrat bhī rāhbar ke liye

qariya-e-jāñ meñ ḳhushk-sālī hai

dil tarastā hai chashm-e-tar ke liye

kitne zī-rūh phir rahe haiñ yahāñ

kyoñ haiñ sab zābte bashar ke liye

kyoñ bhalā ek dil ko de Daalā

ġham banā thā jo shahr bhar ke liye

yuuñ 'hidāyat' talāsh meñ apnī

jaise tarse shajar samar ke liye

ek chehra tera hai ghar ke liye

ek chehra bhare nagar ke liye

dusra ishq ab nahin hoga

dard kafi hai ek sar ke liye

dil bahalta hai aisi baaton se

kab hai mangi dua asar ke liye

aur bhi zad-e-rah hain lekin

lazmi hai yaqin safar ke liye

be-basar tu nahin hai man liya

ho basirat bhi rahbar ke liye

qariya-e-jaan mein KHushk-sali hai

dil tarasta hai chashm-e-tar ke liye

kitne zi-ruh phir rahe hain yahan

kyon hain sab zabte bashar ke liye

kyon bhala ek dil ko de Dala

gham bana tha jo shahr bhar ke liye

yun 'hidayat' talash mein apni

jaise tarse shajar samar ke liye