ek chup khae gai hai mujhko

ek chup khaa.e ga.ī hai mujh ko

āgahī Dhaa.e ga.ī hai mujh ko

zindagī mere sañvarne ke liye

dard pahnā.e ga.ī hai mujh ko

be-ḳhudī aap talak laa.ī thī

so vahī laa.e ga.ī hai mujh ko

aap ne raakh kiyā uḌne ko

ḳhaak dafnā.e ga.ī hai mujh ko

mere idrāk kī majbūrī se

baat bahlā.e ga.ī hai mujh ko

chāñd is taur se utrā shab meñ

raat gahnā.e ga.ī hai mujh ko

ek chup khae gai hai mujh ko

aagahi Dhae gai hai mujh ko

zindagi mere sanwarne ke liye

dard pahnae gai hai mujh ko

be-KHudi aap talak lai thi

so wahi lae gai hai mujh ko

aap ne rakh kiya uDne ko

KHak dafnae gai hai mujh ko

mere idrak ki majburi se

baat bahlae gai hai mujh ko

chand is taur se utra shab mein

raat gahnae gai hai mujh ko