ek din mera aaina mujhko

Surender Shajar

ek din mera aaina mujhko

Surender Shajar

MORE BYSurender Shajar

    ek din merā ā.īna mujh ko

    mujh se kar jā.egā judā mujh ko

    vo bhī maujūd thā kināre par

    us ne dekhā thā Dūbtā mujh ko

    ġham, musībat, firāq, tanhā.ī,

    us ne kyā kuchh nahīñ diyā mujh ko

    phuul huuñ ḳhaak to nahīñ huuñ maiñ

    raas kab aa.egī havā mujh ko

    saikḌoñ aa.ine badal Daale

    apnā chehrā nahīñ milā mujh ko

    lab pe mohar-e-sukūt bhī to nahīñ

    kar gayā kaun be-sadā mujh ko

    maut kyūñ-kar najāt baḳhshegī

    zindagī ne kyā diyā mujh ko

    ek din mera aaina mujh ko

    mujh se kar jaega juda mujh ko

    wo bhi maujud tha kinare par

    us ne dekha tha Dubta mujh ko

    gham, musibat, firaq, tanhai,

    us ne kya kuchh nahin diya mujh ko

    phul hun KHak to nahin hun main

    ras kab aaegi hawa mujh ko

    saikDon aaine badal Dale

    apna chehra nahin mila mujh ko

    lab pe mohar-e-sukut bhi to nahin

    kar gaya kaun be-sada mujh ko

    maut kyun-kar najat baKHshegi

    zindagi tu ne kya diya mujh ko

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY