ek hangama-e-fariyaad har ek dil se uTha

ek hangāma-e-fariyād har ik dil se uThā

kaun ye ishq kā maarā tirī mahfil se uThā

ġhāliban dil kī bhī āvāz yahī thī lekin

ḳhair se shor-e-qayāmat tirī mahfil se uThā

apnā bhī aks-e-tajallī thā ba-andāz-e-jamāl

aur kyā arz karūñ kaun muqābil se uThā

justujū ḳhatm nazar sust tamanna mahjūb

kaun vāmāñda-qadam parda-e-manzil se uThā

ḳhūgar-e-sa.ī-e-mukāfāt-e-amal ban ke 'atīq'

fā.eda tū bhī har āsānī-o-mushkil se uThā

ek hangama-e-fariyaad har ek dil se uTha

kaun ye ishq ka mara teri mahfil se uTha

ghaaliban dil ki bhi aawaz yahi thi lekin

KHair se shor-e-qayamat teri mahfil se uTha

apna bhi aks-e-tajalli tha ba-andaz-e-jamal

aur kya arz karun kaun muqabil se uTha

justuju KHatm nazar sust tamanna mahjub

kaun wamanda-qadam parda-e-manzil se uTha

KHugar-e-sai-e-mukafat-e-amal ban ke 'atiq'

faeda tu bhi har aasani-o-mushkil se uTha