ek hi aawaz par wapas palaT aaenge log
ek hī āvāz par vāpas palaT ā.eñge log
tujh ko phir apne gharoñ meñ DhūñDne jā.eñge log
Dūbte sūraj kī sūrat merā chehra dekh lo
phir kahāñ bāb-e-ma.ānī DhūñDne jā.eñge log
mat kaho qismat hai apnī be-dilī nāguftanī
phir sahar hogī daraḳhshāñ phir bhale ā.eñge log
pal jhapakne tak hai ye hangāma-e-vāraftagī
jab nazar se duur hoge bhūlte jā.eñge log
phir na.ī ḳhvāhish ke zarroñ se banā.eñge nagar
phir na.ī rasm-e-talab rasm-e-vafā lā.eñge log
munhasir rañgoñ kī ātish par nahīñ hai dilkashī
maile kapḌoñ meñ bhī tujh ko dekhne ā.eñge log
ek hi aawaz par wapas palaT aaenge log
tujh ko phir apne gharon mein DhunDne jaenge log
Dubte suraj ki surat mera chehra dekh lo
phir kahan bab-e-maani DhunDne jaenge log
mat kaho qismat hai apni be-dili naguftani
phir sahar hogi daraKHshan phir bhale aaenge log
pal jhapakne tak hai ye hangama-e-waraftagi
jab nazar se dur hoge bhulte jaenge log
phir nai KHwahish ke zarron se banaenge nagar
phir nai rasm-e-talab rasm-e-wafa laenge log
munhasir rangon ki aatish par nahin hai dilkashi
maile kapDon mein bhi tujh ko dekhne aaenge log
Source:
kulliyat dusht-e-qais main laila (Pg. 84)
This content features in following collection(s)
COMMENT
COMMENTS
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
