ek hi ghar mein rakh diye kis ne juda juda charagh

Zia Faruqi

ek hi ghar mein rakh diye kis ne juda juda charagh

Zia Faruqi

MORE BYZia Faruqi

    ek ghar meñ rakh diye kis ne judā judā charāġh

    tere liye jalā charāġh mere liye bujhā charāġh

    ishq-o-talab raah meñ bād-e-havas bhī tez thī

    maiñ ne jalāyā rāt-bhar kar ke ḳhudā ḳhudā charāġh

    sub.h huī to āftāb saarī bisāt ulaT gayā

    raat usī maqām par raunaq-e-bazm thā charāġh

    vaqt-e-sahar jo pūchh le koī to kyā batā.ūñgā

    tāq-e-junūñ pe rāt-bhar kis ke liye jalā charāġh

    kaun thā mere rū-ba-rū ālam-e-vajd-o-hāl meñ

    kis nigāh-e-lutf se ban gayā aa.ina charāġh

    vādī-e-jāñ meñ daf.atan kaisī ye raushnī huī

    kis nazar ne kar diye manzar-e-shab meñ charāġh

    koī ḳhabar na sakī jis havā-e-tund bhī

    rakhte haiñ is maqām saarā atā-patā charāġh

    taḳhtī-e-shab pe likh diyā vaqt ne ye bhī vāqi.a

    zard havā ke sāmne sīna-sipar rahā charāġh

    mujh ko 'ziyā' vo chāhiye ghar jo mirā ujaal de

    merā na mas.ala qamar merā na mudda.ā charāġh

    ek hi ghar mein rakh diye kis ne juda juda charagh

    tere liye jala charagh mere liye bujha charagh

    ishq-o-talab ki rah mein baad-e-hawas bhi tez thi

    main ne jalaya raat-bhar kar ke KHuda KHuda charagh

    subh hui to aaftab sari bisat ulaT gaya

    raat usi maqam par raunaq-e-bazm tha charagh

    waqt-e-sahar jo puchh le koi to kya bataunga

    taq-e-junun pe raat-bhar kis ke liye jala charagh

    kaun tha mere ru-ba-ru aalam-e-wajd-o-haal mein

    kis ki nigah-e-lutf se ban gaya aaina charagh

    wadi-e-jaan mein dafatan kaisi ye raushni hui

    kis ki nazar ne kar diye manzar-e-shab mein wa charagh

    koi KHabar na la saki jis ki hawa-e-tund bhi

    rakhte hain is maqam ka sara ata-pata charagh

    taKHti-e-shab pe likh diya waqt ne ye bhi waqia

    zard hawa ke samne sina-sipar raha charagh

    mujh ko 'ziya' wo chahiye ghar jo mera ujal de

    mera na masala qamar mera na muddaa charagh

    Source :
    • Book : Pas-e-Gard-e-Safar (Pg. 58)
    • Author : Zia Farooqui
    • Publication : Educational Publishing House (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY