ek ek kar ke sabhi log bichhaD jate hain
ek ik kar ke sabhī log bichhaḌ jaate haiñ
dil ke jañgal yūñhī baste haiñ ujaḌ jaate haiñ
kaise ḳhush-rañg huuñ ḳhush-zā.eqa phal huuñ lekin
vaqt par chakkhe nahīñ jaa.eñ to saḌ jaate haiñ
apne lafzoñ ke ta.assur kā zarā dhyān rahe
hākim-e-shahr kabhī log bhī uḌ jaate haiñ
ret tārīḳh ke siine meñ haTāte haiñ vahī
aable pyāsī zabānoñ meñ jo paḌ jaate haiñ
aise kuchh haath bhī hote haiñ ki jin ke kañgan
toḌne vaale ke ehsās meñ gaḌ jaate haiñ
'shabnam' andāz-e-takallum meñ kashish lāzim hai
varna alfāz simaTte haiñ sikaḌ jaate haiñ
ek ek kar ke sabhi log bichhaD jate hain
dil ke jangal yunhi baste hain ujaD jate hain
kaise KHush-rang hun KHush-zaeqa phal hun lekin
waqt par chakkhe nahin jaen to saD jate hain
apne lafzon ke tassur ka zara dhyan rahe
hakim-e-shahr kabhi log bhi uD jate hain
ret tariKH ke sine mein haTate hain wahi
aable pyasi zabanon mein jo paD jate hain
aise kuchh hath bhi hote hain ki jin ke kangan
toDne wale ke ehsas mein gaD jate hain
'shabnam' andaz-e-takallum mein kashish lazim hai
warna alfaz simaTte hain sikaD jate hain
Source:
Mausam bhiigii aa.nkho.n kaa (Pg. 61)
- Author: Rafia Shabnam Abidi
-
- Edition: 1985
- Publisher: Hassan Publications, Mumbai
- Year of Publication: 1985
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
