ek jugnu ko nur ki sujhi

ek jugnū ko nuur kī sūjhī

yā'nī andhe ko duur kī sūjhī

ham ko sūjhī to sirf jannat kī

aur muusā ko tuur kī sūjhī

jab ġhalāzat se bhar gayā lahja

aap ko tab shu'ūr kī sūjhī

maiñ ne lāhaul paḌh liyā fauran

mujh ko jab bhī ġhurūr kī sūjhī

raag chheḌā kisī yahūdī ne

to mujhe bhī zabūr kī sūjhī

ek jugnu ko nur ki sujhi

ya'ni andhe ko dur ki sujhi

hum ko sujhi to sirf jannat ki

aur musa ko tur ki sujhi

jab ghalazat se bhar gaya lahja

aap ko tab shu'ur ki sujhi

main ne lahaul paDh liya fauran

mujh ko jab bhi ghurur ki sujhi

rag chheDa kisi yahudi ne

to mujhe bhi zabur ki sujhi