ek kashti-kaghzi par ghaur-o-KHauz

ek kashtī-kāġhzī par ġhaur-o-ḳhauz

hogā merī sādgī par ġhaur-o-ḳhauz

ādamiyat kā nishāñ miTtā gayā

ho rahā hai aadmī par ġhaur-o-ḳhauz

jo muḳhālif the mire karte haiñ vo

aaj merī shā.irī par ġhaur-o-ḳhauz

muflisoñ se koī hamdardī nahīñ

kis liye hai muflisī par ġhaur-o-ḳhauz

kaun behtar hai ye unvāñ chhoḌ kar

kaash hotā behtarī par ġhaur-o-ḳhauz

aa.iye karte haiñ be-jañg-o-jadal

bāhamī rassa-kashī par ġhaur-o-ḳhauz

be-basoñ kā zehn tak mā.ūf thā

kaun kartā bebasī par ġhaur-o-ḳhauz

ek kashti-kaghzi par ghaur-o-KHauz

hoga meri sadgi par ghaur-o-KHauz

aadamiyat ka nishan miTta gaya

ho raha hai aadmi par ghaur-o-KHauz

jo muKHalif the mere karte hain wo

aaj meri shairi par ghaur-o-KHauz

muflison se koi hamdardi nahin

kis liye hai muflisi par ghaur-o-KHauz

kaun behtar hai ye unwan chhoD kar

kash hota behtari par ghaur-o-KHauz

aaiye karte hain be-jang-o-jadal

bahami rassa-kashi par ghaur-o-KHauz

be-bason ka zehn tak mauf tha

kaun karta bebasi par ghaur-o-KHauz