ek kitab sirhane rakh di ek charagh sitara kiya

ek kitāb sirhāne rakh dī ek charāġh sitārā kiyā

mālik is tanhā.ī meñ tū ne kitnā ḳhayāl hamārā kiyā

ye to bas ik koshish sī thī pahle pyaar meñ rahne kī

sach pūchho to ham logoñ meñ kis ne ishq dobāra kiyā

chand adhūre kāmoñ ne kuchh vaqt girafta logoñ ne

din purze purze kar Daalā raat ko paara paara kiyā

dil ko ik sūrat bhaa.ī thī is amboh meñ par ham ne

jaane is afrā-tafrī meñ kis kī samt ishāra kiyā

sar par taaj kī sūrat dhar dī us ne īñdhan kī gaThrī

ishq ne kaise ḳhush-qismat ko shaah se lakaḌhārā kiyā

sardī kī aamad thī lekin sāvan kī rut lauT aa.ī

bujhte bujhte ik vahshat meñ aañkh ne rañj dobāra kiyā

ek kitab sirhane rakh di ek charagh sitara kiya

malik is tanhai mein tu ne kitna KHayal hamara kiya

ye to bas ek koshish si thi pahle pyar mein rahne ki

sach puchho to hum logon mein kis ne ishq dobara kiya

chand adhure kaamon ne kuchh waqt girafta logon ne

din purze purze kar Dala raat ko para para kiya

dil ko ek surat bhai thi is amboh mein par hum ne

jaane is afra-tafri mein kis ki samt ishaara kiya

sar par taj ki surat dhar di us ne indhan ki gaThri

ishq ne kaise KHush-qismat ko shah se lakaDhaara kiya

sardi ki aamad thi lekin sawan ki rut lauT aai

bujhte bujhte ek wahshat mein aankh ne ranj dobara kiya