ek lahraati hui naddi ka sahil hua main

ek lahrātī huī naddī kā sāhil huā maiñ

phir huā ye ki har ik lahr se ghā.il huā maiñ

ab banāte haiñ mire dost nishāna mujh ko

tujh ko paane kī talab meñ kisī qābil huā maiñ

dil meñ is raaz ko tā-'umr chhupā kar rakkhā

kis kī chāhat meñ thā shāmil kise hāsil huā maiñ

aa gayā ishq kā mafhūm samajh meñ us kī

us ke ḳhvāboñ meñ kisī roz jo dāḳhil huā maiñ

tū suḳhan-var hai to mujh ko bhī ye hāsil hai sharaf

lafz ban kar tire dīvān meñ shāmil huā maiñ

ek muddat se samajhne meñ lagā huuñ ḳhud ko

yā'nī ab apne liye bhī baḌā mushkil huā maiñ

ek lahraati hui naddi ka sahil hua main

phir hua ye ki har ek lahr se ghail hua main

ab banate hain mere dost nishana mujh ko

tujh ko pane ki talab mein kisi qabil hua main

dil mein is raaz ko ta-'umr chhupa kar rakkha

kis ki chahat mein tha shamil kise hasil hua main

aa gaya ishq ka mafhum samajh mein us ki

us ke KHwabon mein kisi roz jo daKHil hua main

tu suKHan-war hai to mujh ko bhi ye hasil hai sharaf

lafz ban kar tere diwan mein shamil hua main

ek muddat se samajhne mein laga hun KHud ko

ya'ni ab apne liye bhi baDa mushkil hua main