ek main hun aur lakh masail KHuda gawah

ek maiñ huuñ aur laakh masā.il ḳhudā gavāh

dast-e-talab hai kāsa-e-sā.il ḳhudā gavāh

āñkheñ khulīñ to aur hī manzar thā rū-ba-rū

ḳhud maiñ thā apnī raah meñ haa.il ḳhudā gavāh

ye kā.enāt raqs meñ hai ik mire liye

pahne hue nujūm kī paa.el ḳhudā gavāh

dil meñ mohabbateñ haiñ to ā.ankhoñ meñ hairateñ

mere faqat yahī haiñ vasā.el ḳhudā gavāh

munsif tirī taraf sahī par ḳhūn-e-be-gunāh

degā tire ḳhilāf dalā.el ḳhudā gavāh

din-rāt ik junūn-e-talāsh-e-ma.āsh hai

ab koī munharif hai na qaa.il ḳhudā gavāh

ek main hun aur lakh masail KHuda gawah

dast-e-talab hai kasa-e-sail KHuda gawah

aankhen khulin to aur hi manzar tha ru-ba-ru

KHud main tha apni rah mein hail KHuda gawah

ye kaenat raqs mein hai ek mere liye

pahne hue nujum ki pael KHuda gawah

dil mein mohabbaten hain to aaankhon mein hairaten

mere faqat yahi hain wasael KHuda gawah

munsif teri taraf sahi par KHun-e-be-gunah

dega tere KHilaf dalael KHuda gawah

din-raat ek junun-e-talash-e-maash hai

ab koi munharif hai na qail KHuda gawah