ek nagar ke naqsh bhula dun ek nagar ijad karun
ek nagar ke naqsh bhulā duuñ ek nagar ījād karūñ
ek taraf ḳhāmoshī kar duuñ ek taraf ābād karūñ
manzil-e-shab jab tai karnī hai apne akele dam se hī
kis ke liye is jagah pe ruk kar din apnā barbād karūñ
bahut qadīm kā naam hai koī abr-o-havā ke tūfāñ meñ
naam jo maiñ ab bhuul chukā huuñ kaise us ko yaad karūñ
jā ke sunūñ āsār-e-chaman meñ saa.eñ saa.eñ shāḳhoñ kī
ḳhālī mahl ke burjoñ se dīdār-e-barq-o-bād karūñ
sher 'munīr' likhūñ maiñ uTh kar sehn-e-sahar ke rañgoñ meñ
yā phir kaam ye nazm-e-jahāñ kā shaam Dhale ke ba.ad karūñ
ek nagar ke naqsh bhula dun ek nagar ijad karun
ek taraf KHamoshi kar dun ek taraf aabaad karun
manzil-e-shab jab tai karni hai apne akele dam se hi
kis ke liye is jagah pe ruk kar din apna barbaad karun
bahut qadim ka nam hai koi abr-o-hawa ke tufan mein
nam jo main ab bhul chuka hun kaise us ko yaad karun
ja ke sunun aasar-e-chaman mein saen saen shaKHon ki
KHali mahl ke burjon se didar-e-barq-o-baad karun
sher 'munir' likhun main uTh kar sehn-e-sahar ke rangon mein
ya phir kaam ye nazm-e-jahan ka sham Dhale ke baad karun
Source:
kulliyat-e-muniir niyaazii (Pg. 495)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.