ek sauda hai lazzat-e-gham hai
ek saudā hai lazzat-e-ġham hai
aaj phir merī aañkh pur-nam hai
dil ko bahlā rahe haiñ muddat se
zindagī kyā azaab se kam hai
zarra zarra udaas hai us kā
mere ghar kā ajiib aalam hai
mehr-o-mah par kamand paḌtī hai
soch meñ koī ibn-e-ādam hai
tujh se parda nahīñ mire ġham kā
tū mirī zindagī kā mahram hai
ye jo ik e.atibār hai tum par
kis qadar pā.edār-o-muhkam hai
kal to duniyā badal hī jā.egī
aaj un kā ye jaur-e-paiham hai
dil na ka.aba hai ne kalīsā hai
terā ghar hai harīm-e-mariyam hai
ek sauda hai lazzat-e-gham hai
aaj phir meri aankh pur-nam hai
dil ko bahla rahe hain muddat se
zindagi kya azab se kam hai
zarra zarra udas hai us ka
mere ghar ka ajib aalam hai
mehr-o-mah par kamand paDti hai
soch mein koi ibn-e-adam hai
tujh se parda nahin mere gham ka
tu meri zindagi ka mahram hai
ye jo ek eatibar hai tum par
kis qadar paedar-o-muhkam hai
kal to duniya badal hi jaegi
aaj un ka ye jaur-e-paiham hai
dil na kaba hai ne kalisa hai
tera ghar hai harim-e-mariyam hai
Source:
Lahu Ke Charagh (Pg. 101)
- Author: Anjum Azmi
-
- Edition: 1961
- Publisher: Karachi Art Academy, Karachi
- Year of Publication: 1961
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
