ek shahr-ashob ka aaghaz

ab bazm-e-suḳhan sohbat-e-lab-soḳhtagāñ hai

ab halqa-e-mai tā.efā-e-be-talabāñ hai

ghar rahiye to vīrāni-e-dil khāne ko aave

rah chaliye to har gaam pe ġhauġhā-e-sagāñ hai

paivand-e-rah-e-kūcha-e-zar chashm-e-ġhazālāñ

pābos-e-havas afsar-e-shamshād-qadāñ hai

yaañ ahl-e-junūñ yak-ba-digar dast-o-girebāñ

vaañ jaish-e-havas teġh-ba-kaf darpa-e-jāñ hai

ab sāhab-e-insāf hai ḳhud tālib-e-insāf

mohr us kī hai mīzān ba-dast-e-digrāñ hai

ham sahal-talab kaun se farhād the lekin

ab shahr meñ tere koī ham sā bhī kahāñ hai

ab bazm-e-suKHan sohbat-e-lab-soKHtagan hai

ab halqa-e-mai taefa-e-be-talaban hai

ghar rahiye to virani-e-dil khane ko aawe

rah chaliye to har gam pe ghaugha-e-sagan hai

paiwand-e-rah-e-kucha-e-zar chashm-e-ghazalan

pabos-e-hawas afsar-e-shamshad-qadan hai

yan ahl-e-junun yak-ba-digar dast-o-gireban

wan jaish-e-hawas tegh-ba-kaf darpa-e-jaan hai

ab sahab-e-insaf hai KHud talib-e-insaf

mohr us ki hai mizan ba-dast-e-digran hai

hum sahal-talab kaun se farhad the lekin

ab shahr mein tere koi hum sa bhi kahan hai