ek tu hai ki rasai hai teri har dil tak

ek tū hai ki rasā.ī hai tirī har dil tak

ek maiñ had hai mirī sirf tirī mahfil tak

dil ke raste se chalā to safar āsān huā

varna mushkil thā pahuñch paanā mirā manzil tak

le liyā naam jo girdāb meñ ghirte hī tirā

naav tūfān ne pahuñchā dī mirī sāhil tak

koī taarā nahīñ nāchīz sā zarra huuñ magar

le ke aa.ī kashish-e-ishq mah-e-kāmil tak

kushta-e-teġh-e-nazar hone kī chāhat meñ 'payām'

ḳhud khiñche aa.e haiñ ushshāq kū-e-qātil tak

ek tu hai ki rasai hai teri har dil tak

ek main had hai meri sirf teri mahfil tak

dil ke raste se chala to safar aasan hua

warna mushkil tha pahunch pana mera manzil tak

le liya nam jo girdab mein ghirte hi tera

naw tufan ne pahuncha di meri sahil tak

koi tara nahin nachiz sa zarra hun magar

le ke aai kashish-e-ishq mah-e-kaamil tak

kushta-e-tegh-e-nazar hone ki chahat mein 'payam'

KHud khinche aae hain ushshaq ku-e-qatil tak