evaz diyoñ ke vo rāteñ ujālne vaale
sunā hai jal ga.e sūraj ko pālne vaale
jo mujh ko jhoñk ke bhāge haiñ jang meñ tanhā
haiñ mere baad ḳhilāfat sambhālne vaale
ye jin kī chauk meñ lāsheñ paḌī haiñ lā-vāris
yahī the pyaar kī rāheñ nikālne vaale
zabāñ hī jis kī nahīñ hai vo bol paa.e kyā
bujhe charāġh meñ ai tel Dālne vaale
are bulā ki unheñ aa.ina dikhā.eñ ham
kahāñ haiñ chāñd pe kīchaḌ uchhālne vaale
ewaz diyon ke wo raaten ujalne wale
suna hai jal gae suraj ko palne wale
jo mujh ko jhonk ke bhage hain jang mein tanha
hain mere baad KHilafat sambhaalne wale
ye jin ki chauk mein lashen paDi hain la-waris
yahi the pyar ki rahen nikalne wale
zaban hi jis ki nahin hai wo bol pae kya
bujhe charagh mein ai tel Dalne wale
are bula ki unhen aaina dikhaen hum
kahan hain chand pe kichaD uchhaalne wale
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.