farigh mujhe na jaan ki manind-e-subh-o-mehr

fāriġh mujhe na jaan ki mānind-e-sub.h-o-mehr

hai dāġh-e-'ishq zīnat-e-jeb-e-kafan hunūz

hai nāz-e-muflisāñ zar-e-az-dast-rafta par

huuñ gul-farosh-e-shoḳhi-e-dāġh-e-kohan hunūz

mai-ḳhāna-e-jigar meñ yahāñ ḳhaak bhī nahīñ

ḳhamyāza khīñche hai but-e-be-dād-fan hunūz

begāna-e-vafā hai havā-e-chaman hunūz

'vo' sabza sañg par na ugā koh-kan hunūz

yā-rab yeh dard-mand hai kas kī nigāh kā

hai rabt-e-mushk-o-dāġh-e-svād-e-ḳhutan hunūz

juuñ jaada sar-ba-kū-e-tamannā-e-be-dilī

zanjīr-e-pā hai rishta-e-hubbul-vatan hunūz

maiñ duur gard-e-qurb-e-bisāt-e-nigāh thā

bairūn-e-dil na thī tapish-e-anjuman hunūz

maiñ huuñ sarāb-e-yak-tapish āmoḳhtan hunūz

zaḳhm-e-jigar hai tishna-e-lab doḳhtan hunūz

ai sho'la fursate ki suvaidā-e-dil se huuñ

kisht-e-sipand-e-sad-jigar andoḳhtan hunūz

fānūs-e-sham.a hai kafan-e-kushtagān-e-shauq

dar-parda hai mu'āmla-e-soḳhtan hunūz

majnūñ fusūn-e-sho'la-ḳhirāmī fasāna hai

hai sham' jaada dāġh-e-nefroḳhtan hunūz

kū yak sharar ki sāz-e-charāġhāñ karūñ 'asad'

bazm-e-tarab hai pardaga.e soḳhtan hunūz

thā mujh ko ḳhār-ḳhār-e-junūn-e-vafā 'asad'

sozan meñ thā nahufta gul-e-pairahan hanūz

farigh mujhe na jaan ki manind-e-subh-o-mehr

hai dagh-e-'ishq zinat-e-jeb-e-kafan hunuz

hai naz-e-muflisan zar-e-az-dast-rafta par

hun gul-farosh-e-shoKHi-e-dagh-e-kohan hunuz

mai-KHana-e-jigar mein yahan KHak bhi nahin

KHamyaza khinche hai but-e-be-dad-fan hunuz

begana-e-wafa hai hawa-e-chaman hunuz

'wo' sabza sang par na uga koh-kan hunuz

ya-rab yeh dard-mand hai kas ki nigah ka

hai rabt-e-mushk-o-dagh-e-swad-e-KHutan hunuz

jun jada sar-ba-ku-e-tamanna-e-be-dili

zanjir-e-pa hai rishta-e-hubbul-watan hunuz

main dur gard-e-qurb-e-bisat-e-nigah tha

bairun-e-dil na thi tapish-e-anjuman hunuz

main hun sarab-e-yak-tapish aamoKHtan hunuz

zaKHm-e-jigar hai tishna-e-lab doKHtan hunuz

ai sho'la fursate ki suwaida-e-dil se hun

kisht-e-sipand-e-sad-jigar andoKHtan hunuz

fanus-e-shama hai kafan-e-kushtagan-e-shauq

dar-parda hai mu'amla-e-soKHtan hunuz

majnun fusun-e-sho'la-KHirami fasana hai

hai sham' jada dagh-e-nefroKHtan hunuz

ku yak sharar ki saz-e-charaghan karun 'asad'

bazm-e-tarab hai pardagae soKHtan hunuz

tha mujh ko KHar-KHar-e-junun-e-wafa 'asad'

sozan mein tha nahufta gul-e-pairahan hanuz