faisle ki us ghaDi ka iltawa achchha laga

faisle kī us ghaḌī kā iltavā achchhā lagā

ek rishta TūTne se bach gayā achchhā lagā

jān-e-man jān-e-vafā ḳhat meñ likhā achchhā lagā

duur se us ne mujhe apnā kahā achchhā lagā

maiñ ne ġham kī dhun bhī chheḌī aur ḳhushī kā raag bhī

tum batāo giit merā kaun sā achchhā lagā

mujh meñ kyā jauhar mire TuuTe hue ā.īne ko

aaj us ne chāñd kā TukḌā kahā achchhā lagā

ek din aa.ī to phir vāpas na tanhā.ī ga.ī

mere ujḌe ghar meñ us ko jaane kyā achchhā lagā

dil na chhoḌegā zideñ ye to vo bālak hai jise

ik khilaunā mil gayā to dūsrā achchhā lagā

pesh kar diiñ maiñ ne fikr-o-fan kī tasvīreñ hazār

ḳhud pasandoñ ko magar ik ā.īna achchhā lagā

chāñdnī yādoñ kī thī 'parvīn' aañsū kyoñ bahā.e

kyā kafan pe tujh ko motī Tañknā achchhā lagā

faisle ki us ghaDi ka iltawa achchha laga

ek rishta TuTne se bach gaya achchha laga

jaan-e-man jaan-e-wafa KHat mein likha achchha laga

dur se us ne mujhe apna kaha achchha laga

main ne gham ki dhun bhi chheDi aur KHushi ka rag bhi

tum batao git mera kaun sa achchha laga

mujh mein kya jauhar mere TuTe hue aaine ko

aaj us ne chand ka TukDa kaha achchha laga

ek din aai to phir wapas na tanhai gai

mere ujDe ghar mein us ko jaane kya achchha laga

dil na chhoDega ziden ye to wo baalak hai jise

ek khilauna mil gaya to dusra achchha laga

pesh kar din main ne fikr-o-fan ki taswiren hazar

KHud pasandon ko magar ek aaina achchha laga

chandni yaadon ki thi 'parwin' aansu kyon bahae

kya kafan pe tujh ko moti Tankna achchha laga